"Адалдық адамдық белгісі" облыстық бейнеролик байқауы
Абай облысының білім басқармасы мен «Дарын» облыстық ғылыми-әдістемелік орталығының ұйымдастыруымен өткен «Адалдық – адамдық белгісі» атты облыстық бейнеролик байқауы білім алушылардың рухани-адамгершілік құндылықтарын қалыптастыруға, адалдық пен әділдік қағидаларын дәріптеуге бағытталды. Аталған байқауға Семей қаласындағы №16 Төлеубай Аманов атындағы жалпы орта білім беретін мектептің білім алушылары Мырзакаримова Жадыра мен Бекжан Каусар белсенді қатысып, өз шығармашылық жұмыстарын ұсынды. Оқушылар бейнеролик арқылы адалдықтың қоғамдағы, адам өміріндегі маңызын көркем түрде жеткізіп, өз ойларын мазмұнды әрі әсерлі көрсете білді.
Байқауға қатысу барысында оқушылардың шығармашылық қабілеттері дамып қана қоймай, азаматтық жауапкершілік, адамгершілік, шынайылық сияқты маңызды қасиеттері қалыптасты. Сонымен қатар, бұл жұмыс оқушылардың бейнематериал дайындау, идеяны жүйелеу, командалық жұмыс дағдыларын жетілдіруге үлкен мүмкіндік берді.
Облыстық деңгейде ұйымдастырылған байқауға қатысқаны үшін Мырзакаримова Жадыра мен Бекжан Каусарға қатысушы сертификаты табысталды. Бұл – олардың еңбегіне берілген жоғары баға әрі алдағы шығармашылық жетістіктеріне серпін беретін маңызды қадам.
Осындай тәрбиелік мәні зор іс-шаралар жас ұрпақтың бойына адалдық, жауапкершілік, отансүйгіштік сияқты асыл қасиеттерді сіңіруге ықпал етіп, білім мен тәрбиенің қатар дамуына негіз болады.
