Республика күніне арналған турнир.

2025 жылғы 25 қазанда Республика күніне орай «БП Болашақ жастардың патриотизмін арттыру мүмкіндіктері» тақырыбында турнир ұйымдастырылды. Іс-шара барысында оқушылар екі фракцияға бөлініп, елжандылық, азаматтық жауапкершілік және жастардың қоғамдағы рөлі туралы өз ойларын ортаға салды. «Жалын» фракциясы атынан Төлтай Айымжан мен Серікжанқызы Каусар спикер ретінде сөз сөйлеп, жастар бойындағы патриоттық рухты қалыптастырудың маңызын атап өтті. Ал «Аманов ұрпақтары» фракциясының атынан Мырзакаримова Жадыра мен Ержанқызы Альфия өз көзқарастарын дәлелді түрде қорғады. Турнир оқушылардың шешендік қабілетін дамытып, туған елге деген сүйіспеншілігін арттыруға бағытталған мазмұнды алаң болды.