Мектебімізде «Заң және тәртіп» тұжырымдамасына сәйкес құқықбұзушылықтың алдын алу

Мектебімізде «Заң және тәртіп» тұжырымдамасына сәйкес  құқықбұзушылықтың алдын алу мақсатында  Абай облысы ПД Семей қаласы ПБ киберқылмысқа қарсы іс-қимыл бөлімі жедел уәкілі полиция аға лейтенанты Оразалин С. Е.,Балтабаев Р.А., және  Семей қаласы полиция басқармасы ювеналдық полиция тобының қызметкері аға лейтенант Е.Б.Стамбеков 8–11 сынып оқушыларына ақпараттық-түсіндірме жұмыстарын жүргізді.
Кездесу барысында білім алушыларға:
🔹 буллинг және кибербуллингтің алдын алу;
🔹 интернет кеңістігіндегі қауіпсіздік және жауапкершілік;
🔹 дроперлікке тартылудың қауіптілігі және оның құқықтық салдары;
🔹 аутодеструктивті мінез-құлықтың алдын алу;
🔹 қиын жағдайға тап болған кезде көмек сұрау және сенімді ересекке жүгіну жолдары түсіндірілді. Оқушыларға өз құқықтары мен міндеттерін білу, заң талаптарын сақтау, қауіпсіз орта қалыптастыру және өз әрекетіне жауапкершілікпен қараудың маңыздылығы түсіндірілді.
📌 Басты мақсат – құқықтық сауатты, жауапты және қауіпсіз ортада өмір сүре алатын жас ұрпақты қалыптастыру.
Заңды білу – өз құқығыңды қорғаудың бастауы.
Заңды сақтау – өзіңе және қоғамға деген жауапкершілік.