Brain Battle – зияткерлік сайысы

Математика, информатика, физика пәні бірлестігінің онкүндігі аясында 26 қаңтар күні 8 сыныптар арасында сыныптан тыс  “Brain Battle” зияткерлік сайысы оқушылар үшін тартысты да мазмұнды форматта ұйымдастырылды. Аталған іс-шараны Шәкәрім университетінің 3 курс, М1-301 тобының студенттері -  Бейсен Д., Серікқазыева Д., Ошақбаев О., Альясова Ә., Асқар М.  және математика пәні мұғалімдері бірлесе өткізді.

📌Жарыстың басты мақсаты- оқушылардың логикалық ойлау қабілетін дамыту, жылдам ойлау дағдыларын қалыптастыру және командалық жұмысты нығайту. Жарыс барысында қатысушылар әртүрлі деңгейдегі зияткерлік, логикалық және математикалық тапсырмаларды орындап, өз білімдері мен тапқырлықтарын көрсетті.

Оқушылар бір-бірімен ынтымақтастықта жұмыс жасап, шапшаңдық пен ұйымшылдықтың жоғары деңгейін көрсете білді. Іс-шара көтеріңкі көңіл күйде өтіп, қатысушыларға жағымды әсер мен есте қаларлық сәттер сыйлады 🎉

✅Осындай сабақтан тыс зияткерлік іс-шаралар оқушылардың пәнге деген қызығушылығын арттырып, олардың шығармашылық және танымдық қабілеттерін дамытуға ықпал етті.