“Елге сәлем” бағдарламасында “Жас Айбын” тәрбиеленушілері қонақта

23.10 күні жергілікті телеарнаның “Елге сәлем” бағдарламасында мектебіміздің атын қалалық, облыстық деңгейде шығарып жүрген “Жас Айбын” тәрбиеленушілері қонақта болды. “Жас Айбын- ел қорғаны” тақырыбында өткен сұхбатта Екпін Мұратұлы әскери-патриоттық тәрбие жайлы, жастардың әскери-патриоттық тәрбиеге баулудың бүгінгі қоғамдағы маңызы зор екенін,  еліміздің тәуелсіздігі мен тыныштығын сақтауда әскери-патриоттық тәрбиенің  ерекшелігін атап өтті. Сонымен қатар, оқушыларды «Жас Айбын» қатарына қабылдауда қойылатын талаптармен таныстырды.

 Жас айбыншылар болса ең бірінші тәртіпке ұйымшылдыққа үйренгендерін айтса, бірі саппен жүру, саптық әндерді орындау, пневматикалық немесе АК-74 автоматын шашу-жинау, ату негіздерін үйренгендерін мақтанышпен айтты.Бағдарламанын соңында Екпін Мұратұлы өзінің тырнақ алды кітабы "Менің өлкем" кітабын таныстырып,  авторлық әнін тарту етті.