Жас маманның сабағына тәлімгерлік бақылау жүргізілді

Мектебімізде 9 «Ә» сыныбында жас маман Мухаметжанова Айгерим Дауреновна ағылшын тілі пәнінен «The Canterville Ghost» тақырыбында сабақ өткізді. Сабақ Оскар Уайльд шығармасы негізінде ұйымдастырылып, оқушылардың мәтінді түсініп оқу, негізгі ойды анықтау және кейіпкерлердің сезімдерін талдау дағдыларын дамытуға бағытталды. Сабақ барысында оқушылар тыңдалым және оқылым тапсырмаларын белсенді орындап, жаңа сөздермен жұмыс жасап, өз ойларын еркін жеткізді. Әдіс-тәсілдер оқу мақсаттарына сай тиімді қолданылды.

Сабаққа бақылаушы тәлімгер Райымбекова Э.М. қатысып, жас маманның сабақты жоспарлау деңгейіне, оқушылармен қарым-қатынасына және педагогикалық шеберлігіне кәсіби талдау жасады. Сабақ мазмұны заманауи білім беру талаптарына сай ұйымдастырылып, жоспарланған оқу мақсаттарына қол жеткізілді.