"Отбасымызбен бірге кітап оқимыз" атты отбасылық оқу күні

Мектеп кітапханашыларының ұйымдастыруымен "Отбасымызбен бірге кітап оқимыз" атты отбасылық оқу күні ата-аналар мен оқушылардың қатысуымен ерекше форматта өткізілді.
Іс-шараның мақсаты:

• Отбасылық оқу дәстүрлерін жаңғырту;
• Балалар мен ата-аналар арасында оқырмандық қызығушылықты қалыптастыру.

Шара барысында ата-аналар мен балалар бірлесіп кітап оқып, оқыған мәтіндер бойынша пікір алмасып, сұрақ-жауап түрінде диалог құрды. Әртүрлі әдеби шығармалар талқыланып, отбасылар өздеріне ерекше ұнаған кітаптар туралы бөлісті. Сонымен қатар, оқырмандардың әдеби талғамын дамытуға арналған қызықты ойындар мен викториналар ұйымдастырылды.
Іс-шара соңында белсенді қатысушылар алғыс хаттармен марапатталып, барлық қатысушылар жылы әсерлерімен бөлісті. Бұл бастама отбасы мүшелерінің бір-бірімен жақын қарым-қатынаста болуына ықпал етіп, кітап оқудың маңыздылығын арттырды.