Үлкендер жолы ұлылық, ұрпағы жүрер ұғынып» атты сыр-сұхбат

Абай облысы білім басқармасы, Семей қаласы білім бөлімінің  №16 Төлеубай Аманов атындағы жалпы орта білім беретін мектепте ҰОС ардагері, ұлағатты ұстазы, Еңбек ардагері Бейсен Жұмагелдиннің туғанына 100 жыл толуына орай «Үлкендер жолы ұлылық, ұрпағы жүрер ұғынып» атты сыр-сұхбат өтті. Ұрпақтарымен кездесуге ұлы «ҚР ҰҚК (Ұлттық қауіпсіздік комитеті) органдарының ардагерлері «РҚБ жауапты хатшысы, отставкадағы полковник Жұмагелдин Қапез Бейсенұлы,  немересі ІІМ запастағы полковнигі, Қазақстан Республикасы Адам құқықтары жөніндегі уәкілдің Абай облысы бойынша өкілі Жұмагелдин Дулат Ертуғанұлы, немересі аудармашы, көп балалы ана, атасының жазбаларын басып шығарған Жұмагелдина Әлия Ертуғанқызы және Семей қаласының құрметті азаматы, ардагер ұстаз, зейнеткер Куникина Қарлыгаш Садыковна, Қазақстан Республикасының Оқу-ағарту ісінің үздігі, ардагер ұстаз,  Нуржамал Боранбаевна қатысты. Бейсен Жұмагелдин туралы ұрпақтары, әріптестері және шәкірттері тағылымы мол естеліктер айтты. Оқушылар ұстаздың естеліктерін сыр шертіп, арнауларын оқыды. Мектеп қабырғасында өткен аталмыш іс-шара ары қарай облыс көлемінде жалғасын таппақ.