Lesson Study үдерісі

Мұғалімдердің кәсіби біліктілігін жетілдірудің тиімді жолдарының бірі -  Lesson Study үдерісі екендігіне тағы бір көз жеткіздік. Биылғы оқу жылында N16 Т.Аманов атындағы жалпы орта білім беретін мектепте бірлескен зерттеу тобының құрамында Lesson Study үдерісін жүргізу оң нәтижесін беруде. Бірінші зерттеу сабағының жоспарын дайындауға ұйымдастырылған ынталы топ отырысында таңдап алынған сыныптың жағдайы, зерттеу қандай мақсатта жүргізілетіні, өтілетін сабақтың сабақ жоспары, таңдап алынатын әдіс-тәсілдер мұқият талданды.  Топ жұмысын ұйымдастырушы педагог-шебер, мектеп тренрі Оспанова Ляйля Тоқабайқызы әр отырыстың уақытымен өтуіне, Lesson Study жоспарының сауатты құрылуына басшылық жасай отырып, қажетті ақпараттардың уақытында жиналуын қадағалап отырды. 

     Жалпы бірінші және екінші циклді қорытындылайтын болсақ, сәтті және сәтсіз тұстары да болды. 

    Сәтті тұстары: ынталы топ мүшелерінің қызығушылық танытып өз ынталарымен ұсыныс білдіруі, шынында зерттеуді қажет ететін сыныптың дұрыс таңдап алынуы, зерттеу сұрағының мұғалімдер тәжірибесіндегі түйткіл сұрақпен сәйкес келуі (қалыптастырушы бағалау), бақылау дағдыларының дамуы, оқушы үніне зейін аударуы, кәсіби ынтымақтастықтың орнауы, 5 "Ә"сынып оқушыларында үдеріске оң көзқарастың қалыптасуы, оқушылардың оқуға деген ішкі уәжінің деңгейін анықтау.

1-ші циклдегі сәтті және сәтсіз тұстарын, 2-ші циклде ескере отырып жұмыс жүргізілді. Келесі тоқсанда осы өтілген математика, тарих пәндерінен кейін, ағылшын тілі пәні мұғалімдері жалғастыратын болады. Желтоқсан айына қарай, зерттеудің циклдері талданып, күтілетін нәтижелерді сараптайын боламыз.