“Ата-аналармен өзара байланысқан жұмыстың маңызы” cынып жетекшілер

Мектепте күзгі каникул жоспарына сәйкес Сынып жетекшілер отырысы: “Ата-аналармен өзара байланысқан жұмыстың маңызы” деген тақырыпта өтті. 5-сынып жетекшісі Айгерім Амангелдіқызы, 6-сынып жетекшісі Асемгул Жумагазовна өз тәжірибесімен бөлісті.Тәрбие саласында ата - анамен жағымды қарым - қатынасты реттеуде ұстаз небір қиыншылықтарға тап болып жатады. Қазіргі жаңа педагогикалық ойлауға орай ата - анамен жұмыс жүйесін дұрыс құру және оны жаңаша ұйымдастыру бүгінгі күннің талабы. Сынып жетекшісінің ата - аналармен жұмыстың табысты не табыссыз болуы оның таңдаған ұстанымына, қарым - қатынас стиліне, педагогикалық шеберлігі мен кәсіби құзырлылығына байланысты болатынын ұмытпау керек. Қазіргі кезде сынып оқушыларының тәрбие ісін әрі қарай жетілдіру отбасы мен мектептің бірлескен жұмысын дамыта және нығайта түсу арқылы жүзеге асады. Отбасы мен мектептің немесе сынып жетекші мен ата - ананың бірлесіп жасаған жұмыс нәтижесі талапқа сай, жаңашыл, шығармашыл, жан - жақты мәдениетті, саяси сауатты жеке тұлға қалыптастырмақ.