«Мерзімді әскери қызметке шақыру»

«16 Т.Аманов атындағы ЖОББМ» КММ-де «Мерзімді әскери қызметке шақыру мәселелері туралы» хаттаманы орындау шеңберінде алғашқы әскери және технологиялық дайындық пәнінің мұғалімі Е.Чурчитбаев 10-11 сынып оқушыларымен профилактикалық әңгімелесу жұмыстарын жүргізді. Әңгімелесу барысында оқушыларға Қазақстан Республикасының Қарулы Күштері, олардың құрылымы мен атқаратын қызметі, мерзімді әскери қызметтің маңыздылығы мен міндеттері түсіндірілді. Сондай-ақ, әскерге шақыру тәртібі, сарбаздардың құқықтары мен міндеттері туралы ақпарат берілді.

Шараның негізгі мақсаты – жасөспірімдерді Отан алдындағы жауапкершілікке тәрбиелеу, патриоттық сезімдерін нығайту, әскери қызметтің маңыздылығын ұғындыру және олардың әскери дайындыққа деген қызығушылығын арттыру. Сонымен қатар, оқушыларға әскери қызметтің ел қорғанысындағы рөлі туралы жан-жақты мәлімет беріліп, олардың азаматтық ұстанымдарын қалыптастыруға ықпал ету көзделді. Бұл кездесу оқушылардың патриоттық рухын көтеріп, олардың елін сүюге, қорғауға және әскери қызметке саналы түрде қарауға деген көзқарасын қалыптастыруға ықпал етті.