«Суды үнемде болашақты сақта» ауқымды жобасы бойынша су үнемдеу

10 "А" сыныбында су үнемдеуге арналған жалпы республикалық тәрбие сағаты өтті. Қазақстан Республикасы Оқу-ағарту министрлігінің 2024–2026 жылдарға арналған су үнемдеу жөніндегі Жол картасы аясында еліміздегі білім беру ұйымдарында су ресурстарын тиімді пайдалану бойынша ауқымды іс-шаралар жүргізілуде.Осыған орай, 2025 жылғы 18 сәуірде 10 "А" сыныбында «Суды үнемде – болашақты сақта» атты жалпы республикалық бірыңғай тәрбие сағаты ұйымдастырылды. Сабақтың мақсаты – оқушылар арасында суды ұтымды пайдалану мәдениетін қалыптастыру, су тапшылығы мәселесіне назар аударту және табиғи ресурстарға ұқыпты қарау дағдысын дамыту. Іс-шара барысында судың адам өміріндегі маңызы, қазіргі жаһандық су тапшылығы, сондай-ақ суды үнемдеу жолдары туралы ақпарат берілді. Оқушылар бейнематериалдар көріп, интерактивті сұрақ-жауапқа қатысып, су ресурстарын сақтау бойынша өз ой-пікірлерін ортаға салды. Мұндай тәрбиелік мәні зор сабақтар экологиялық сана қалыптастыруда және жас ұрпақты табиғатты аялауға тәрбиелеуде маңызды рөл атқарады. Су – тіршілік көзі. Табиғатты қорғау – өз болашағымызды сақтау!