Суды, тамақты және энергияны үнемдеу тақырыбында ашық сабақ

Мектебімізде суды, тамақты және энергияны үнемді тұтыну тақырыбында ашық сабақ өтті. Сабақтың басты мақсаты – оқушыларға табиғи ресурстарды ұтымды пайдалану және қоршаған ортаны қорғау маңыздылығын түсіндіру. Мұғалім оқушыларға су мен электр қуатын артық пайдаланудың экологиялық әсері туралы мәлімет берді. Сондай-ақ, тамақты үнемдеудің және дұрыс тұтынудың маңыздылығы айтылып, ысырапшылдықтың алдын алу жолдары талқыланды. Оқушылар топтарға бөлініп, суды, энергияны және азық-түлікті үнемдеудің тиімді тәсілдерін ұсынды. Практикалық тапсырмалар арқылы олар күнделікті өмірде қолдануға болатын үнемдеу әдістерімен танысты. Сабақ барысында бейнежазбалар көрсетіліп, интерактивті сұрақ-жауап жүргізілді. Сонымен қатар, үнемді тұтынудың артықшылықтары мен табиғатқа тигізер оң әсері жайлы баяндалды. Оқушылар экологиялық жауапкершілікті арттыру жолдарын талқылап, өз ойларын ортаға салды. Ашық сабақ қорытындысында олар алған білімдерін күнделікті өмірде қолдануға уәде берді.