29
ноябрь
2019
«БІЗДІҢ ЕЛ ҚАЗАҚСТАН, БОЛАШАҒЫ - «ЖАС ҰЛАН»!
Қазақстан Республикасының Тұңғыш Президенті күні қарсаңында мектебімізде салтанатты жиын өтті, онда оқу жылының соңында "Жас Ұлан" мектеп комитеттері қызметі рейтингісінің қорытындысы шығарылады. Өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру мақсатында Төлеубай Ыдырысұлы Аманов атындағы №16 жалпы орта білім беретін мектепте ҚР Тұңғыш президент күніне орай Республикалық бірыңғай «Жас Ұлан», «Жас Қыран» ұйымына 114 оқушы қабылданды. «Бірыңғай «Жас Ұлан» балалар мен жасөспірімдер ұйымы» Республикалық қоғамдық бірлестігі Елбасы Н.Ә.Назарбаевтың бастамасы бойынша құрылған Қазақстан Республикасы балалар мен жасөспірімдердің қоғамдық ұйымы болып табылады.Аталған ұйымға үздік оқушылар, мектеп белсенділері, спорт жеңімпаздары қабылданды. «Жас Ұланға» өз үлесін қосуға және оның мүшесі болуға ерікті түрде ниет білдірген 2, 5 сынып оқушылары ант беріп, «Жас Ұлан» гимнін орындады. Келер ұрпағымыздың рухы биік, болашағынан зор үміт күтеміз.