ПЕДАГОГТЕР АТТЕСТАЦИЯСЫ-2025

Мектеп директорының жанындағы отырыста "Педагогтер аттестациясы – 2025" тақырыбында ақпараттық таныстырылым өтті. Бұл жиында педагогикалық кадрларды аттестациялау үдерісі, оның жаңа талаптары мен өзгерістері кеңінен талқыланды. Мектеп әкімшілігі педагогтерге аттестацияның кезеңдері, бағалау өлшемдері және қажетті құжаттар тізімі туралы толық ақпарат берді. Сонымен қатар, аттестациядан сәтті өту үшін мұғалімдерге кәсіби біліктіліктерін жетілдіру, оқыту әдістерін жаңарту және шығармашылық жобалармен жұмыс жасау қажеттілігі атап өтілді.Жиын барысында аттестацияға дайындық жолдары, педагогикалық шеберлік пен кәсіби дамуға бағытталған іс-шаралар талқыланып, мұғалімдерге қолдау көрсету шаралары қарастырылды. Мұғалімдер өз сұрақтарын қойып, тиісті кеңестер алды.Бұл отырыс педагогтерге аттестация үдерісін жүйелі жоспарлауға және кәсіби өсуге бағытталған нақты қадамдар жасауға көмектесетін маңызды шара болды.