«ҚАЛАҒА СІҢІРГЕН ЕҢБЕГІ ҮШІН» ТӨСБЕЛГІСІ

Бүгін 2023 жылдың 11 қаңтары күні Төлеубай Аманов атындағы №16 жалпы орта білім беретін мектепте «Үлкендер жолы – ұлылық, ұрпағы жүрер ұғынып!» тақырыбында математика пәні мұғалімі ардагер ұстаз Куникина Қарлығаш Сыдыққызының 75 жас мерейтойына арналған іс-шара өтті. Іс-шараға Семей қалалық білім бөлімінің басшысының міндетін атқарушы Нургалиева Галия Кабыловна қатысып, Абай облысы Семей қаласы әкімі Н.Т.Нұрсағатовтың «Қалаға сіңірген еңбегі үшін» төсбелгісімен Куникина Қарлығаш Сыдыққызынын марапаттады.

Ардагер ұстаз Қ.С.Куникина өз ісінің білікті маманы, кәсіби шебер, жас ұрпаққа өнегелі тәрбие мен өлшеусіз білім берген, бүгінгі күнде сол еңбектің зейнетін көріп келе жатқан ұстаздардың ұстазы.