17
февраль
2020
МЕКТЕП МҰРАЖАЙЛАРЫНЫҢ БАЙҚАУ-КОНКУРСЫНЫҢ ҚОРЫТЫНДЫСЫ
Мектеп оқушыларының патриоттық сезімдерін, отансүйгіштігін, оның өткеніне деген мақтаныш сезімін тәрбиелеу, зерттеушілік дағдыларын қалыптастыру, сондай-ақ «Рухани жаңғыру» бағдарламасының «Туған жер» арнайы жобасы аясында Семей қаласының облыстық тарихи-өлкетану музейімен бірге Семей қаласының мектеп мұражайларының арасында байқау-конкурс өткізілді. Осы конкурсқа 19 мұражай қатысты. Байқау нәтижелері бойынша «Т.Аманов атындағы №16 ЖОББМ» КММ «Үздік мұражай» номинациясын иеленді.
Аталмыш мұражайлардың тіркелген мектеп мұражайы паспорты бар. Олардың қызметі «Мектеп мұражайының үлгілік Ережесіне» сәйкес жүргізіледі. Оқушылар мұғалімдердің басшылығымен ғылыми-зерттеушілік, іздестіру-жинақтау, экспозициялық, көпшілік-ағарту жұмыстарын жүргізеді. Барлық мұражайларда экскурсиялардан басқа батылдық, ержүректілік сабақтары, ұмытылмас даталарға сынып сағаттары өткізіледі.
Байқау нәтижелері бойынша «Т.Аманов атындағы №16 ЖОББМ» КММ «Үздік мұражай» номинациясын иеленді, №37 гимназия және № 30 ЖОББМ -І орын берілді, № 29 «Пальмира» және №12 ЖББОМ - ІІ орын, №42 ЖОББМ- ІІІ орын, ауыл мектептері арасында Түрксіб ЖОББМ –І орын, Шүлбі мектеп-кешені -ІІ орын, Шақаман ЖОББМ – ІІІ орынды жеңіп алды.
Байқау қатысушылары грамоталармен марапатталды.